Ou mê d’oktôbre mile nou-thin karant’è chê l’avan organijâ a Friboua, ouna rinkontra di chtatu dè Nouthra Dona. Vo puédè trovâ chu Internet ouna grôcha pâdze ke kontè ha bala fitha. Pê vêr-no, di chtatu dè Nouthra Dona l’è pâ chin ke mankè. Du lè Mârtsè, du Bourguillon, dè totè lè kotsè in prochèchyon, lè dzin lè j’avan portâyè tantyè chu la pyathe dèvan l’Univèrchitâ.
No, lè fiyètè de l’èkoula, avu la mouêna bin chure, no l’i an pachâ on galé dumidzoua. No j’an oyu le pridzo dou Kardinal Gerlier k’irè arouvâ du Lyon. Lè li ke l’a prèjidâ a la Konchèkrachyon dou tyinton a Nouthra Dona. Monchènyeu Tsarêre è gayâ ti lè prithre iran chu pyathe. Bala dzornâ.
Lè dzin n’in d’an dèvejâ in apri.Prà alâvan in pèlerinâdzo, deché è delé. Tsankon la chè krianthè, chè j’idé, cha konfyanthe. Ouna viye fiye dè vêr-no, portan pâ tan medze-bon Diu, l’avê kan mimo bin chè j’idé. Kôkon dèvejâvè dè ha fitha dèvan li. L’a adon prê la parola: «Ditè to chin ke vo vudrê, ma mè, i ché ke Nouthra Dona dè Bourguillon… i vô rin! Mè l’é rintyè kanfyanthe in Nouthra Dona di Mârtsè, l’è la mèyà!»
Anne Marie Yerly
Laquelle est la bonne
Au mois d’octobre 1946 l’ont avait organisé à Fribourg, une rencontre des statues de Notre-Dame. Vous pouvez trouver sur Internet une grande page qui raconte cette belle fête. Chez nous, des statues de Notre-Dame, ce n’est pas ce qui manque. Des Marches, de Bourguillon, de tous les coins du canton, en procession, les gens les avaient apportées sur la place devant l’Université.
Nous, les fillettes de l’école, avec la sœur bien sûr, nous y avons passé un bel après-midi. Nous avons écouté le sermon du Cardinal Gerlier qui était arrivé de Lyon. Ce fut lui qui présida à la Consécration du canton de Fribourg à Notre-Dame. Monseigneur Charrière et presque tous les prêtres étaient sur place. Belle journée.
Les gens en ont parlé après. Beaucoup allaient en pèlerinage ici ou là. Chacun a ses croyances, ses idées, sa confiance. Une vieille fille de chez nous, pourtant pas trop bigote, avait quand même ses idées bien arrêtées. Quelqu’un parlait de cette fête devant elle. Elle prit alors la parole: «Dites tout ce que vous voudrez, mais moi, je sais que Notre-Dame de Bourguillon… elle ne vaut rien! Moi je n’ai confiance qu’en Notre-Dame des Marches, c’est la meilleure!»
Anne Marie Yerly