Du dyora dou j’an ke dourè chi pot’afére, ha têrubya kouêrla; l’è le momin dè pachâ a ôtyè d’ôtro. Anfin le tsan l’a rèprê. Irè dyora le momin. Por avutrâ to chin, no van tsantâ a pyêna vouê! Du l’Intyamon tantyè ou fon de la Brouye, lè rèpètichyon van bon trin. Piti è grô, l’an a kà d’inkotchi Tsalandè din le dzouyo è l’aligranthe.

Tot’in vouêrdin chapyinthe è prudinthe, le tsan rèdzoyè la vouê, lè pormon è chuto le kà. Kan te rèvin du la rèpètichyon, t’i to redyè, rènovalâ, t’i benéje è te douâ bin!

Adon, rèdzoyidè-vo, di galé konchê ch’inkotson, din lè mohyi, lè châlè dè gayâ ti lè velâdzo, in vela achebin. Mozart, Moret, Aeby, Bovet è prà dè j’ôtro, van vo j’intrètsantâ.

N’ôché pâ pouêre, on konchyié fèdèral dejê: «Le rire lè bon po la chindâ»… ma adon, le tsan, l’è bin mèyà.

Anne Marie Yerly

Chantez

Depuis bientôt deux ans que dure cette vilaine affaire, cette terrible épidémie; c’est le moment de passer à autre chose. Enfin le chant a repris. C’était bientôt le moment. Pour anéantir tout ça, nous allons chanter à pleine voix! de l’Intyamon jusqu’au fond de la Broye, les répétitions vont bon train. Petits et grands ont à cœur de préparer Noël dans la joie et l’allégresse.

Tout en gardant sagesse et prudence, le chant réjouit la voix, les poumons et surtout le cœur. Quand tu reviens de la répétition, tu es tout guilleret, renouvelé, tu es content et tu dors bien.

Alors, réjouissez-vous, de jolis concerts se préparent, dans les églises, les salles de presque tous les villages, en ville également. Mozart, Moret, Aeby, Bovet et bien d’autres, vont vous enchanter.

N’ayez pas peur, un conseiller fédéral disait: «le rire c’est bon pour la santé», mais alors, le chant est bien meilleur.

Anne Marie Yerly