Avu prà dè dzin dè ma kotse, i mè rèdzoyo dè vêre arouvâ Vincent Bosson kemin prèfè d’la Grevire. No j’an kothema dè dre: l’a bouna fathon. Chin ke li-ya dè chur, l’è ke le travô li va pâ manka. Avu totè lè lê du tyinton ke fô fére a rèchpèktâ, lè kemounè ke fô idyi è totè lè j’achochyachyon ke fô diridji, le prèfè dê ithre fran dè menâye.
Por arouvâ inke, Vincent l’a fê prà dè j’ètude è l’è prou chur pachâ pê le Koléje dou Sud. A chi propou mè chovinyo kan fayi dèchidâ d’la vinyête a Bulo d’on koléje. No j’iran a oun’athinbyâye di rèprèjintin di kemounè a l’èkoula chèkondêre dè Bulo, avu lè dèputé dou dichtri. Le prèfè Menoud no j’a préjintâ le projè d’on koléje a Bulo po le Sud dou tyinton. Pou dè tin dèvan, n’in davan dèvejâ ou parlèmin dè Friboua. I chè trovâ kon député dè Bulo, portan injènyeu, irè kontre h’ékoula, achurâ binvinyête a Bulo. Le prèfè Menoud, ke chavê chin, l’i a fotu ouna voulâye ke djamé n’é rèintindu d’ôtchyè parê.
Kotyè j’an apri, in mil-nouthin chaptantè-nà le Koléje dou Sud l’a prê pi a Bulo è du inke ouna kobya dè dzouno nin chon chayê pyin dè hyinthe, po le bin dou tyinton.
A Vincent l’i kouâjo bin dou piéji a menâ chon tropi.
Vonvon Kolly
Le nouveau préfet
Avec beaucoup de gens de ma région, je me réjouis de voir arriver Vincent Bosson comme préfet de la Gruyère. On a coutume de dire: il a bonne façon. Ce qu’il y a de sûr, c’est que le travail ne va pas lui manquer. Avec toutes les lois du canton à faire respecter, les communes qu’il faut aider et toutes les associations qu’il faut diriger, le préfet doit être neutre.
Pour arriver là, Vincent a fait beaucoup d’études et il a sûrement passé par le Collège du Sud. A ce propos, je me souviens quand il fallait décider de la venue à Bulle d’un collège. Nous étions à une assemblée des représentants des communes à l’école secondaire de Bulle, avec les députés du district. Le préfet Menoud nous a présenté le projet d’un collège à Bulle pour le sud du canton, Peu de temps avant, ils en avaient parlé au parlement de Fribourg. Il s’est trouvé qu’un député de Bulle, pourtant ingénieur, était contre cette école, assurément bienvenue à Bulle. Le préfet Menoud, qui savait ça, lui a flanqué une réprimande que je n’ai jamais plus entendu de pareille.
Quelque temps après, en 1979, le Collège du Sud a pris pied à Bulle et depuis une quantité de jeunes en sont sorti, plein de sciences, pour le bien du canton.
A Vincent, je lui souhaite bien du plaisir à mener son troupeau.
Vonvon Kolly