Avu Alodie, no j’an le grô pyéji, dè menâ l’ourèta dè patê ke l’è baya on kou pêr mê i panchenéro dou «Foyidzo dè Bouleyre» a Bulo. Kemin chin l’è formidâbyo dè batoyi in patê avu hou bounè dzin ke chon j’ou d’obedji, pê di dzin ke chè-dejan hyintà, dè pyakâ dè le dèvejâ.
Ou «Foyidzo dè Bouleyre», no j’an rinkontrâ on panchenéro ke l’arè dyora nounant’an ke l’è a non Armand Gayâ è ke vin du La Rotse. I no j’intrètsantè tsatyè kou in no yêjin ouna djijanna dè pâdzè d’on kayé yô l’a èkri, dè cha poupra man, cha ya dè bouébo dè tsalè.
Chin l’è mèrvèyeu dè l’oure kontâ lè pye galé è lè pye krouyo momin pachâ din lè tsalè. Òtyè ke l’è galé, l’è ke po hou ke di kou le chan pâ mé ou bin ke l’an dou mô dè chè rachovinyi dou patê, l’a to tranchlatâ in franché. Vo lécho a dèvenâ le travô, n’in d’a pâ yin d’ouna thinkantanna dè pâdzè. In dèpye chè komantéro intrètsanton ti hou ke vinyon a hou dzoyàjè rinkontrè è, che di kou n’in d’a dutrè ke l’an l’invide dè ch’inchumiyi, prouchur ke n’in d’an pâ liji.
Armand tè rèmâryhio grô! Tè parolè k’anyaton lè j’oroyè, chon on trèjouâ ke rèdzoyè lè kà.
Bèrnâ Chaney
Un moment de bonheur avec les moins jeunes
Avec Alodie, nous avons le grand plaisir, de passer la petite heure du patois, qui est donnée une fois par mois aux pensionnaires du Foyer de Bouleyres à Bulle. Comme c’est formidable de bavarder en patois, avec ces bonnes personnes qui furent obligées, par des gens se disant sensés, de cesser de le parler.
Au Foyer de Bouleyres nous avons rencontré un pensionnaire qui aura bientôt nonante ans, il s’appelle Armand Gaillard et nous vient de La Roche. Il nous enchante à chaque fois, en nous lisant une dizaine de pages d’un cahier où il a écrit, de sa main, sa vie de garçon de chalet.
C’est merveilleux de l’entendre raconter les plus jolis et les plus mauvais moments passés au chalet. Ce qui est bien, c’est que pour ceux qui parfois ne le savent plus, ou qui ont du mal à se souvenir du patois, il a tout traduit en français. Je vous laisse deviner le travail. Il n’y en a pas loin d’une cinquantaine de pages. De plus, ses commentaires enchantent tous ceux qui viennent à ces joyeuses rencontres. Et si parfois, il y en a deux ou trois qui ont envie de sommeiller un peu, pour sûr, ils n’en ont pas le temps.
Armand grand merci! Tes paroles qui caressent nos oreilles, sont un trésor qui réjouis les cœurs.
Bèrnâ Chaney