L’ôtri, achètâye avu yon dè mè piti fe, no j’an keminhyi a dèvejâ dou viyo tin. Le dzouno voli chavê kemin no pachâvan nouthron tin, kan no j’iran dou mim’âdzo tyè li. L’è adon ke mè chu rindu konto ke prà dè j’afére iran pâ-mé parê. A propou dè la rèlidzyon chuto!

Mouja-vê on bokon, mon piti: ti lè matin, la mècha dèvan l’èkoula. On kou dedin, la premire lethon: le katchimo, ti lè dzoua. Le dumidzoua: la bible. No dêvechin aprindre to chin par-kà. Irè bon po la mèmouâre!

Te châ, in chi tin l’inkourâ l’avê on pechin travô. Ti lè dzoua la mècha, le katchimo din ti lè kour,on kou pê chenanna, la vijita di malâdo, di famiyè, portâ le Bon Diu i murechin, mariâ , batchi è achebin intêrâ ti chè parotsin. Chin kontâ, ti lè dechando ou konfichenéro. No lè j’infan, no l’i alâvan, è bin chovin no chavan pâ tan dè tyè no j’akujâ.

La demindze, ti a la gran-Mècha, alâ goutâ a la korcha è rèmontâ po lè Viprè!

«Vo j’alâdè a la Mècha totè lè demindzè?» ke mè fâ le bouébo. Ma bin chur, mankâ la Mècha irè on pètchi mortèl. Adon, i mè di: «T’ari du mankâ la Mècha, t’ari jou on grô pètchi a konfèchâ!»

Anne Marie Yerly

Les temps ont bien changé

L’autre jour, assise avec l’un de mes petits-fils, nous avons commencé à parler du vieux temps. Le garçon voulait savoir comment nous passions notre temps, quand nous avions son âge. C’est alors que je me suis rendu compte que beaucoup de choses n’étaient plus pareilles. A propos de la religion surtout.

Pense un peu, mon petit: tous les matins à la messe avant l’école. Aussitôt à l’école, la première leçon: le catéchisme tous les jours. L’après-midi: la bible. Nous devions apprendre tout cela par cœur. C’était bon pour la mémoire!

Tu sais, en ce temps-là, le curé avait bien du travail. Tous les jours la messe, le catéchisme dans tous les cours une fois par semaine, la visite aux malades, aux familles, porter secours aux mourants, marier, baptiser et aussi enterrer tous ses paroissiens. Sans compter tous les samedis au confessionnal. Là, nous les enfants nous y allions et bien souvent nous ne savions pas trop de quoi nous accuser!

Le dimanche, tous à la grand’messe, aller dîner à la course et remonter pour les vêpres!

«Vous alliez à la messe tous les dimanches?» que me fait le garçon. Mais bien sûr, manquer la messe était un péché mortel. «Alors, me dit-il, tu n’avais qu’à manquer la messe, tu aurais eu ainsi un gros péché à confesser.»

Anne Marie Yerly