1. Vo fô djêmé nètèyi vouthra boufanna avu dou brantevin, le brantevin bourlè è bregandè le foyidzo. 

2. Po la premire vintanna dè pupâyè, vo la fô bin borâ ma, pâ la foumâ tantyè ou bè. Pupotâdè dè dà è, dèvan dè rè la borâ, apochonyidè-vo ke chêyè bin rèvintâye.

3. Inprindè vouthra boufanna avu ouna hyanmèta, du to pri, ke le taba ch’inprenyichè chu tota che n’ètindya.

4. Pupotâdè to dè go, chin oubyâ du tin j’in tin dè kunyi le taba avu on kunye-pupa. In modèrin le terâdzo, vo fari pâ la krouye èchpèryanthe d’ouna boufanna ke fâ di lin.

5. Vo fô djêmé borâ vouthra boufanna kan l’è adi tsôda.

6. Kemin l’i a ouna difèrinthe dè dilatachyon intré le fèthu è la tija, fô djêmé la dèbouatâ kan l’è frêde.

7. Rèteridè le fèthu kemin ch’irè vichâ a la tija pu, rèbetâdè le in le fajin verotâ chu li-mimo.

8. D’on kou chè chu le krà dè la man, vudjidè bin le foyidzo. Chuto, tapâdè djêmé vouthra boufanna kontre ôtyè dè du!

9. Fô djêmè rahyâ le foyidzo pêrmô ke porê n’in chufri. La krotha ke le rèkràvè, l’è la mârka dou chuti foumyà dè pupa.

10. Fourgâdè vouthra boufanna, tija é fèthu, avu la fourdyèta. Dinche, vo rètirèri la kouèna léchya pê le goudron.

Ora, vo lécho le galé pyéji dè pupotâ.

Bèrnâ Chaney

La bonne façon d’entretenir une bouffarde

1. Il ne faut jamais nettoyer votre bouffarde avec de l’alcool, il brûle et abime le foyer.

2. Pour la première vingtaine de pipées, vous devez bien la bourrer, mais ne pas la fumer jusqu’au bout. Fumez doucement, et avant de la bourrer à nouveau, souciez-vous qu’elle soit bien refroidie.

3. Allumez votre pipe d’une petite flamme, de très près, que le tabac s’allume sur toute sa surface.

4. Fumez votre pipe à votre goût, sans oublier, de temps en temps de tasser le tabac, avec un «serre-pipe». En modérant le tirage, vous ne ferez pas la vilaine expérience d’une pipe qui fait des fils.

5. Il ne faut jamais bourrer votre bouffarde quand elle est encore chaude.

6. Comme il y a une différence de dilatation entre le tuyau et la tige, il ne faut jamais la déboîter quand elle est froide.

7. Retirez le tuyau comme s’il était vissé à la tige, remettez-le en le faisant tourner sur lui-même.

8. D’un petit coup sec, sur la paume de la main, videz bien le foyer. Surtout, ne tapez jamais votre bouffarde contre quelque chose de dur.

9. Il ne faut jamais racler le foyer, car il pourrait en souffrir. La crasse qui le recouvre est la marque d’un parfait fumeur de pipe.

10. Nettoyez votre bouffarde, tige et tuyau, avec le cure-pipe. Ainsi, vous retirerez la crasse laissée par le goudron.

Maintenant, je vous laisse le grand plaisir de «pipoter»!

Bèrnâ Chaney