A tsô-pou, no j’arouvin dyora a Kametran, n’in d’a ke dyon Kamintran. Van-the povê fithâ kemin dè kothema? L’an pachâ irè dza pou d’afére, è chti’an, é bin… fudrè vêre.
Kan no j’iran dzouno, irè pâ rin dè fithâ, dè chè dèdjijâ è dè fére di fâchè. Le delon dè Kametran, din lè j’an thinkanta, no j’avan l’achinbyâye di Tsêrdziniolè, chin irè nouthra fitha a no, lè tyin bon chovinyi. Lè fameujè vèyè dè «Kâfé-nê» dourâvan grantin è farmo bin! No profitâvan dè danhyi onko kotyè j’àrè dèvan le Demikro di Hyindrè.
Fô bin dre ke in Karêma… irè pâ-mé tyachon dè chè dèmorâ. Din le to viyo tin, mè l’é pâ konyu chin, ma ma dona no kontâvè ke medjivan rin dè tsê, to le tin dè Karêma. È pu, pâ rintyè la tsê, fayi fére pènetinthe dè prà dè tsoujè. Rin medji dè bonbenichè, pâ tru tsantâ, rin dè fithè, è, hou ke chè maryâvan din le tin dè Karêma… irè pachke l’avan fithâ Pâtyè dèvan lè Ramô!
Mimamin lè dzin maryâ dèvechan pâ «fére lou dèvê», moujâdè on bokon. L’i avê ouna viyè fèmala ke markâvè chu on karnè kan lè dzin chè maryâvan. Kan le premi piti viyê ou mondo… i kontâvè du vouéro dè tin irè j’ou kemandâ! To chin bayivè a batayi pê le velâdzo. Pâ-mé fôta dè gajèta, avu cht’ache.
Adon, ou dzoua d’ora, no puyin bin no dre , ke le «bon viyo tin» irè pâ tan bon tyè chin.
Anne Marie Yerly
Avant Carême
Peu à peu, nous arrivons bientôt à Carnaval. Allons-nous pouvoir fêter comme d’habitude? L’année dernière c’était déjà peu de chose, cette année, et bien il faudra voir.
Quand nous étions jeunes, ce n’était pas rien, de fêter, de se déguiser et de faire des farces. Le lundi de Carnaval chez nous, nous avions l’assemblée des Tsêrdziniolè, c’était notre fête à nous, quels bons souvenirs. Les fameuses veillées de café-noir duraient longtemps et fort bien. Nous profitions de danser encore quelques heures avant le Mercredi des Cendres.
Il faut bien dire que, en Carême, il n’était plus question de s’amuser. Dans le tout vieux temps, moi je n’ai pas connu ça mais ma mère nous racontait que l’on ne mangeait pas de viande tout le temps de Carême. Et pas seulement la viande, il fallait faire pénitence de bien des choses: ne pas manger de bonbons, pas trop chanter, pas de fêtes, et, ceux qui se mariaient pendant le temps de Carême… c’était parce qu’ils avaient «fêté Pâques avant les Rameaux»!
Même les époux ne devaient pas «faire leur devoir», pensez donc! Il y avait une vieille femme qui notait sur un carnet la date où les gens se mariaient. Quand le premier petit venait au monde, elle comptait depuis quand il avait été «commandé»! Tout cela faisait parler dans le village. Plus besoin de journal avec elle.
Aujourd’hui, nous pouvons bien nous dire que le bon-vieux temps n’était pas si bon!
Anne Marie Yerly