Deché-delé

Li a duvè chenannè, le Groupe choral Intyamon l’a jou on grô pyéji dè povê rèfére chon konchê dou furi. Tyin dzouyo dè tsantâ è dè chè rèvêre!

Derin la vèya, ouna tota novala tsanthon l’a rèjenâye po le premi kou: La Bal’Èthêla. La mujika l’è jou konpojâye pê Michel Corpataux è Nicolas Pernet. L’è rèmârhyo ti lè dou.

Chi poême, i l’é èkri in omâdzo a mon chènya Alexandre, modâ li a pachâ 4 an, li k’amâvè tan la natura.

Binchur ke kan on akutè on tsan, di kou l’è pye difichilo dè konprindre totè lè parolè. Adon l’avé invide dè vo lè partadji.

Lé-hô pêrmi lè rotsè,
On dzoua i chu vinyêt’ou mondo.
I gugo du inke lè hyotchi,
Avui fê è râvichèmin.
I achoroyo le tsan di hyotsètè:
Chi redzingon ke totèvi, rèdzoyè mè j’oroyè.

Ti lè j’an, apri la nê, Avui dzouyo i rèprinnyo ya. Po lè pachin…