Deché-delé

Mé dè than-thinkanta fribordzê l’an travêchi mé dè trinta tunèle, por arouvâ to dzoyà a Porrentruy demindze pachâye, a la Fitha Intèrnachyonale di Patêjan. Di dzin dou payi d’Aoste, dou Piémon, dè la Chavouê, dou Dauphiné è dou Lyonnais, l’an rinkontrâ, din l’amihyâ è le dzouyo, ti lè patêjan Reman! Ouna bala mècha in patê dou Jura è tan bin tsantâye pê le Kà «Intrè No», la mècha a Nikolé de Flue, le patron dè nouthron payi… irè le dzoua dè cha fitha!

Tan dè bouneu d’oure ti hou divê patê. L’i a mé dè thinkant’an ke l’i vé, è bin l’i a ti lè kou adi mé dè patêjan, ditè-mè pâ, apri chin ke le patê l’è fotu!

On dzoua dè rèkonyechanthe po hou ke travayon a mantinyi le patê: ke bayon di kour, ke van le dèvejâ on bokon parto, a la Radio, din lè méjon di j’anhyian, din lè j’èkoulè,…