Prà dè dzin l’atindon inpahyamin. N’in d’a ke chè krêyon ke l’è dza fro puchke l’an dèvejâ d’on lêvro a Radio FR. No fô don n’in dichkutâ on bokon:

L’è dè chi fameu dikchenéro franché-patê è patê-franché ke vé vo jîntrètinyi. A la radiô, l’an dèvejâ dou lêvro «Trèjouâ dou patê fribordzê» ke l’a paru in dou mile chate; l’è in vinta din lè boutekè dè lêvro.

Chi dikchenéro ke l’è tan atindu, parethrè ou furi. L’è veré ke l’è fournê, ma, chin i vou pâ a dre ke l’è in vinta. L’è rintyè in chouchkripchyon, ouna chouchkripchyon ke mârtsè bin. Vo puédè vo j’adrèhyi i Patêjan, l’adrèthe l’è inke dèjo; po le pri dè thinkanta fran, tantyè ou premi dè mâ.

La tropa di rèdakteu l’a fê on travô rèmarkâbyo. Du dou mile-chate l’an rèkordâ di mo, rèyi, tsêrtyi din lè viyo j’èkri, dichkutâ, kontrolâ, koridji, fê, rè-fê è dèfê vouéro dè yâdzo. Ma chin l’è jou fê avu pyiéji, dzouyo è boun’intinta. L’an aprê on mache dè tsoujè, prà dè mo oubyâ ke chon rèarouvâ ou dzoua; è chin din le rèchpè dè totè lè kotsè dou tyinton.

A vouthrè pyàmè po pachâ kemanda dè chi novi trèjouâ.

Anne Marie Yerly

L’adrèthe: prèjidan kantonal Marcel Thürler, route des Combes 2, 1628 Vuadens. Achebin E-mail: marcel.thuerler@pwnet.ch