Deché-delé

Chti kou no l’i chin! Lè hyindrè no j’an rapalâ ke no chin
«Putha è ke no rètornèrin in putha». Ou bin in hyindrè, puchke l’è la mouda.

On yâdzo, irè pâ rin. N’in d’avê di tsoujè a fére… è chuto a pâ fére. Le medji: dè tyè rujâ in kotyè chenannè. Rin dè tsê, rin dè bonbenichè, rin dè chokolâ è pou dè vin. Le demâ dè Kamintran, i prenyan dou buro è di konfiturè po le dèdzounon, chin oubyâ la kuchôla. A midzoua è a marinda, ouna lorda rachyon dè tsanbèta, dou fre, dè la hyà è di meringè .Le to bin arojâ. Apri, katchivan la tsanbèta din lè hyindrè, tantyè a Pâtyè.

Che vo j’i fan dè chavê to chin k’irè intêrdi, fudrè trè pâdzè. Po lè j’infan, ouna fourdèrâ dè chakrifitho po keminhyi! Ma adon po lè grô… la pènetinthe keminhyivè dèjo le lèvè. Pâ tyachon dè «fére chon dèvê» in Karêma.…