Kan no j’iran dzouno, no j’avan di kayon. Du-trè, pâ na gredalâye. Djuchto chin ke fayê po le minâdzo. In chi tin no j’iran in Franthe, pâ tan yin dè Lyon. Vo chédè ke l’è la kapitale dou «bin-medji».

On majalê boutyi dè rènon vinyê, du la vela, in vakanthe din nouthron velâdzo. No l’ingadjivan po majalâ. I no fajê di chpèchyalitâ a cha fathon. Le fèdzo dè pouê l’è pâ tan bon kan on le medzè tyè dinche, ma adon, li n’in fajê di mèrvèyè. Di linju a danâ on chin. Di chouchechè ke betâvan a chètchi; no j’avan rin dè bouârna. Lè grô mochi, lè betâvan a chalâ, a la kâva, ou chalâdzo. Chè vouêrdâvan farmo bin. Môgrâ la dyêra, no j’an djamé j’ou fan.

Vo konto pâ l’ègjèkuchyon dou pouro gouri è to le trayin. Ma oun’avantura l’è arouvâye on dè chtou dzoua dè maji. Lè j’ômo kan l’an j’ou fournê dè…