La riondêna no j’amênè le furi ti l’è j’an on bokon pye vuto.La têra chè rètsàdè, ke dyon! Chi l’oji chè gouêrnè dè motsè è dè muchiyon, dou tin ke n’in chàbrè adi! Vo j’arè dyora le bouneu dè l’intindre tsetsèyi, in fajin chon ni dè pako, dèjo l’avantê. N’in d’a dutrè chouârtè, ma chon totè byantsè è nêrè. Kemin le drapô di Fribordzê. D’outon, lè riondênè ch’inmodôn po lè «payi tsô», ma fidélè, i rèvinyon totavi. On oji ke chàbrè to l’an intye-no, ke l’a di balè kola è ke tsantè farmo bin, lè le tsêrdziniolè. Nouthron viyo réjan Pekan l’avê kru conprindre ke chi mo voli dre «tsêre di nyolè»… n’in d’irè pâ rèvinyê. Chédè-vo chin ke medzè, chi galé tsantèri? È bin, i chè nurè dè tsardon, kemin lè j’âno! Èthenâdè-vo pâ, apri chin, ke le kà dè Trivô l’a prê le non dè Tsêrdziniolè! Fachilo,…