Din lè velâdzo, ma achebin din lè pititè velè, i dyon ke l’è lè fèmalè ke fan la pyodze è le bi tin. Ou mintè in parolè. Ti lè novi chon kolportâ de na méjon a l’ôtra, ache rido tyè l’oura.

Po chavê ti lè novi, i fô farmo dèvejâ, achoroyi è kontâ pye yin. I fô chuto invintâ. Lè krouyè novalè van pye rido tyè lè bounè, chin l’è provâ, du l’i a grantin.

Ma, i pou arouvâ, bin ouê, ke lè j’omo chon pâ mèyà!
L’i a dè chin dyora chuchant’an; ti chon mouâ, l’afére pou bin chè kontâ. On viyo rètrètâ, ke chavi pâ tyè fére dè chè duvè man, pachâvè chè dzoua, è chuto chè né, a gugâ dèri chon lanè. L’i arouvâvè achebin d’abordâ lè dzin dèvan cha méjenèta, po l’ou pojâ di kèchtyon indichkrètè. Pu apri, i kontâvè chè j’invinhyon a ti hou ke volan bin l’akutâ.

Din le velâdzo, no j’avan nouthron Benzine.…