Dremidè bin, bounè dzin dè Bulo, poutithre ke vouthrè né chon pye pèjubyè tyè vouthrè dzoua. Vo fithâdè lè tabà, lè tanbour dè tota la Chuiche.

Du Bâla a Dzenèva, in pachin pê ti lè tyinton, i chon arouvâ intye-vo po trè dzoua. Trè dzoua dè fitha è dè galéjè rinkontrè.

Chi l’inchtrumin dè mujika l’è kan mimo bin utilo. Din le viyo tin, avu lè tronpètè, din lè batayè, i tsanpâvan lè pouro chudâ ou fu. «Tanbour-batan» ke dejan, irè tyachon dè l’i alâ, è bin chovin po pâ rèvinyi!

Ou dzoua d’ora, l’è tyè-mé po le pyéji. Totè lè chochyètâ dè mujika l’an di balè batèri, du la pitita tyéchèta a la grôcha tyéche, i chàbrè on mache dè gelenichè, dè tanborin è dè kachtanyètè.

A la fanfàre dè mon velâdzo, din lè j’an trinta, on tanborinâre l’è chobrâ chèlébro. Irè a non Hilaire. Irè farmo bon po…