Deché-delé

Kan l’oura dè l’outon no ramênè le frê, Dèvan dè lou krouvâ dè lou roba dè nê. Lè mouâ ch’athinbyon ti a l’intoua dou mohyi. Ch’invinyon por on dzoua, no j’akutâ prèyi Kan la profèchyon chô, parmi lè monuman, A travê dè hou kornè è dè hou botyè bian, Lè mouâ tindon lè bré kan no vêyon pachâ, Akutin chin ke puyon, poutithre dèmandâ. Ô ouê, châbrin grantin, apri le Libèrâ Pê chu le chimetyéro, tantyè a la vêprâ. Kan on a bin prèyi, chinbyè k’on a oyu Lè mouâ to rèdzoyi montâ vê le Bon Dyu. Chi bokon dè nyolèta, pê chu Molèjon, Ha drôla dè ravà a l’intoua di méjon, L’è le chohyo di mouâ, la né dè Tolèchin, Alin-no j’in, dremi, to dè dà in pyorin.

PIERRE QUARTENOUD

Ecoutez cet article en patois et en français sur www.lagruyere.ch