Deché-delé

Lè viyè fiyè âmon bin lè tsa. Fô bin dre ke l’an pâ vouéro d’ôtro a anyatâ. Lè veré ke lè tsa chon tan galé; achinton pâ mô, kemin lè tsin, è chon farmo indèpindin.

Nouthron viye inkourâ, Kojandê, l’avê kemin chêrvinta, ouna dè chè chèrè. Farmo bouna koujenêre, galéja dzin. Ma, la poura l’i chè indalâye tru vuto, de na krouye maladi. Chon frârè l’è jou bin trichto. Pê bouneu, oun’ôtra dè chè chèrè, achebin viye fiye, l’è arouvâye a la retrête djuchto po rèprinde la pyêthe. Ha adon, irè na tsatêre dè chouârta.

I bayivè a medji a ti lè tsa charvâdzo de la kotse è n’in d’avê on mache a che n’othô. Moncheu lè j’amâvè achebin, iran don ti dou bènirà.

On grô matou irè le chintyon a ti dou. L’avan batyi Mustapha. In fajin chon ronron, i chè frochivè kontre là, i léchivè di mache dè…