Deché-delé

Chtou dari tin, no jan prà oyu ke lè dzouno dè totè pâ ch’inkotson po ke le mondo piakichè dè poluâ kemin tank’ora. Li-yan tarubyamin réjon è l’è la ya dè lou j’infan è piti-j’infan ke dêvon achurâ. Din to chin on vê ke prà dè dzouno chon bin chu pi è l’è tan mi po l’avinyi.

Po dèvejâ dè la dzounèche dè mon velâdzo, i pu dre ke fâ di farmo balè tsoujè. La pràva, l’è la dèrire fitha di dzouno d’la Grevîre, a Machin, in juyè dè l’an pachâ. Bin chur ke lou j’a fayu prà dè dzin min dzouno po lou bayi on kou dè man è no j’an jou drê a ouna bala fitha.

Po no rèmàrhyâ, hou dzouno no j’an vouèthâ avu ouna tota bouna marinda, è avu chi-than j’invitâ. Li-yè j’ou l’okajyon por no d’aprindre ke l’an prà ganyi, ma l’an chayê chouchanta-mil fran po di bounè j’ôvrè è achebin po inkoradji lè…