Deché-delé
Chédè-vo ke din le to viyo tin, la pouchta irè la dèledzinthe, l’i dejan achebin le kôche. Ouna vouatura trinâye pê di tsavô.
Mon pére-gran dejê adi: «I chu rintrâ du Friboua avu la pouchta.» Irè dza l’otobus. Irè adon lè CEG, puis apri, chon arouvâ lè GFM. No j’ôtro ou dzoua d’ora,no j’an lè TPF.
Ha pouchta tragalâvè lè dzin bin chure, ma achebin kotyè bèthètè di kou, pu lè patyè, lè gajètè, è lè lètrè. To chin grapiyivè alêgramin la Kràja è i arouvâvè a l’àra! L’é rètrovâ di lètrè ke l’avan fê on dzoua du Dzenèva a Trivô, avu on tinbro a 10 thantimè.
Du l’i a kotyè dzoua, no j’an la pouchta parmi lè piti pan è lè brèchi. Le fakteu no pouârtè lè papê in vèlo, din la pyodze è la nê. Fudrè-the n’in rèvinyi a la viye Pouchta di j’anhyan? I cheran ou mintè a chotha.
ANNE MARIE…