Li-ya on rèvi ke no j’an jou oyu: Kan on betè dji pètsenê è dji tsahyà dè binda, chin fâ vin dzanyà. È portan, lè pâ di dzanyè dè dre ke lè pèchenê de la Brouye chon mô menâ. L’Ètha lou j’a bâti a gran fré ouna pèchenêre a Thavayi-le-Lé è chtache l’a djamé fonkchyenâ. Ora l’Ètha chè virè d’la pâ dou tyinton dè Noutsathi po trovâ chè tsacho. Vêr no∂, li-ya dè chin kotyè j’an, lè pèchenê dou lé d’la Grevire l’an achebin jou di nyô avu l’Ètha. Mè krêyo k’ora lè j’afére van mi.

Lè tsahyà l’an achebin lou rèbritsè. Dariremin, no j’an aprê ke dou dèputé l’an dèmandâ dè barâ la tsathe y j’alintoua dè Bounavaux. Lè j’èmi dè chin Hubê ne l’intindon pâ d’la mim’oroye è van chè dèfindre. Vo vêdè k’ithre tsahyà ou pèchenê l’è gayâ parê. Ti dou dêvon chovin chèkâre le mimo panê.

Vonvon Kolly

La pêche ou la chasse?

Il y a un dicton qu’on a eu entendu: Quand on met dix pêcheurs et dix chasseurs ensemble, cela fait vingt menteurs. Et pourtant ce n’est pas des mensonges de dire que les pêcheurs de la Broye sont malmenés. L’Etat leur a bâti à grand frais une pisciculture à Estavayer-le-Lac et celle-ci n’a jamais fonctionné. Maintenant, l’Etat se tourne du côté de Neuchâtel pour trouver ses alevins. Chez nous, il y a de cela quelques années, les pêcheurs du lac de la Gruyère ont aussi eu leurs problèmes avec l’Etat. Je crois que maintenant les affaires vont mieux.

Les chasseurs ont aussi leurs soucis. Dernièrement, nous avons appris que deux députés avaient demandé d’interdire la chasse aux alentours de Bounavaux. Les amis de saint Hubert ne l’entendent pas de cette oreille et vont se défendre. Vous voyez qu’être chasseurs ou pêcheurs, c’est presque pareil. Tous deux doivent souvent secouer le même panier.

Vonvon Kolly