Deché-delé

Kotyè j’àrè dèvan ke tsantè le pu, le bolondji d’on yâdzo inpathâvè dza a chu bré. Cha pâtha prèchta, la léchivè chumiyi ouna treya. Intrè-tin, l’i ètsoudâvè chon foua, i chavê pêr kà dè vouéro dè fachè l’arê fôta. Du chin, l’apouprèyivè è le léchivè rèpojâ dou tin ke l’inpanyenâvè lè metsè.
Kemin l’avê rin dè têrmômêtre, po vèrifyâ la tinpèratura, l’avê chon piti truk; i ourâvè la pouârta dou foua è dzetâvè ouna pinchâye dè farna. Che la farna vinyê nêre, l’è ke le foua irè tru tsô. La farna dèvechê rochèyi è chobrâ bronna trè a katre chèkondè, adon, i povê infournâ chon pan. La fabrekachyon derâvè tantyè vê lè djij’àrè è ôtyè. On kou fournê d’apouprèyi chon laboratéro è goutâ, i modâvè fére chè levrèjon.

D’evê, kan lè tsemin iran borâ pê la nê, l’è in trinô ke fajê cha…