Deché-delé

L’è afreu kemin to tsandzè! No j’ôtro lè viyo no j’an kotyè kou dou mô dè konprindre totè lè chindzèri ke no chin d’obedyi dè fére ou dzoua d’ora.

Ègjinpyo, vê on dè nouthrè j’ami, viyo kemin mè, l’avan rèchu po Tsalandè, ouna galéja tsandèlèta. Irè inprêcha dè dzoua chu la trâbya, le dèvêlené dèhyinte. On matin, chi moncheu l’a volu la rèinprindre… avu di motsètè. L’afére l’a mô veri, ch’è krelâye, i fonkchyenâvè avu di pilè, irè in «plachtike».

On ôtro, viyo vajiyê, l’i a dè chin kan mimo kotyè j’an in’arê. Ch’irè akovintâ din on tsalè ke konyechê pâ tan.
On galé tsalè, ke l’avê mimamin di dzèranyon y fenithrè. On fyê tro dè che n’èthu, avu konhyinthe, l’a arojâ lè botyè, tantyè a on bi matin yô i ch’è apêchu k’iran achebin fô.

Ma, lè dzouno, n’in fan achebin. Kemin ha binda,…