Dechando pachâ a la radiô, irè tyachon dè Galé Gringo. Prà dè dzin ch’è krêyon ke l’è on dzoun’omo. È bin na, i vin dè ha bala poéji dè Louis Bornet: Lè Tsèvrê. Ti lè velâdzo d’intyamon l’avan on tropi dè tyivrè, on tsèvrê è tsatyè tropi chon bok.
«Pri dè l’ivuè, èthindu, du Grevire in amon, to le galé payi ke fournè a Monbovon, yô lè fiyè, ke dyon, ne chon pâ di gôtyirè. Pére-gran le dejê, l’è le payi di tyivrè.»
I kontè k’a Velâ-che-Mon l’i avê ouna bala grahyàja, dzounèta, ragotinta. È pu dou dzouno tsèvrê, l’on dè Velâ-che-Mon è pu l’ôtro d’Innê; lè dou n’in d’avan ouna pechinta moya! La dzounèta lè j’amâvè ti dou parê.
Portyè tan tarlatâ, portyè tan fére atindre. Mè fô n’in prindre yon, ma ne ché le tyin prindre, ke chè dejê Goton. L’a adon propojâ a chè dou chochepirin, ouna drôla dè dèfenête: «Fédè batre lè boc, è dinche on porè vêre le tyin di dou l’a réjon, le tyin di dou mè fô krêre!»
L’è dinche ke Gringo è Bigo, le motu è l’inkornâ, chè chon batu kemin di yévo. L’è don Gringo le boc a Piéro ke l’a gânyi. È chi inke, po le rèmarhyâ l’i a tsantâ chi fameu Galé Gringo.
Anne Marie Yerly
Galé Gringo
Samedi dernier à la radio, il était question de «joli, gentil Gringo». Bien des gens pensent que c’est un jeune homme. Et bien non, il nous vient de cette belle poésie de Louis Bornet: Les chevriers. Tous les villages d’Intyamon avaient un troupeau de chèvres, un chevrier et chaque troupeau son bouc.
Près de l’eau, étendu de Gruyères en amont, tout le joli pays qui finit à Montbovon, où les filles dit-on ne sont pas gauchères. Grand-père le disait, c’est le pays des chèvres.
Elle raconte qu’à Villars-sous-Mont, il y avait une belle gracieuse, jeunette, appétissante. Et deux jeunes chevriers, l’un de Villars-sous-Mont, et l’autre d’Enney; les deux en avaient un fameux béguin! La jeunette les aimait tous les deux!
Pourquoi tarder, pourquoi tant faire attendre. Il me faut en prendre un, mais ne sais lequel prendre, que se disait Goton. Alors, elle proposa à ses deux soupirants, une dôle de solution: «Faites combattre les boucs ainsi l’on pourra voir qui des deux a raison, et lequel des deux je dois croire!»
Ainsi Gringo et Bigo, le décorné et l’encorné, se sont battus comme des lions. C’est donc Gringo, le bouc de Pierre qui gagna. Et celui-ci pour le remercier lui a chanté ce fameux Galé Gringo.
Anne Marie Yerly