Chin ke vé vo kontâ lè la vretâ. Chè pâchè, li-ya mé dè chaptant’an, din mon velâdzo. Le tsôtin, môgrâ lè vakanthè d’èkoula, no dêvechan alâ a la mècha a la tsapala Chin-Nikolé, ti lè demikro matin, prolondjia pa le katchimo po lè bouébo è lè fiyètè.
Djuchtamin a ha mècha, on kou, le charvin dè mècha irè Alexis. Ou momin dè l’èlèvachyon, kan fayi bayi trè kou dè hyotsèta, ou dari kou, le gelin la fotu le kan è chè ètsekâ chu l’ouchtâ. Apri la mècha, l’inkourâ Gapany la tota l’âra akujâ Alexis ke l’avi fê èchpré, ke l’avi fourgenâ chi gelin. A la chakrichtiya, Alexis la rèchu oun’ èhyatâye, ke lè jou ch’intèthalâ kontre on mu, è ke no j’an oyu tantyè din lè ban.
Apri chin, ou momin dou katchimo, l’inkourâ lè rèvinyê chu chi pachâdzo d’la mècha ke no j’avi bin fi rire, è no j’a achebin dèpuchtâ. Bin chur ke le chêrvin dè mècha lè rèjou achouyi dè djija, li ke nin d’irè po rin.
Cha chèra, k’irè din lè ban di fiyètè, chè lèvâye, l’a prê chon frâre pê la man è lè modâye avu li a la méjon. Mè krêyo k’lan pâ oujâ dre chin a lou parin.
Lè tsoujè l’an bin tsandji è che no van adi a la mècha, lè ke no j’an konprê ke Chi dè Hô-lé lè bin pye dà avu chè fayè.
Vonvon Kolly
La clochette sans battant
Ce que je vais vous raconter c’est la vérité. Cela se passe il y a plus de 70 ans, dans mon village. L’été, malgré les vacances d’école, nous devions aller à la messe à la chapelle St-Nicolas, tous les mercredis matin, prolongée par le catéchisme pour les garçons et les filles.
Justement, à cette messe, une fois, le servant de messe était Alexis. Au moment de l’élévation, quand il faut donner trois coups de clochette, au dernier coup, le battant est parti et il est tombé sur l’autel. Après la messe, le curé Gapany a tout de suite accusé Alexis d’avoir fait exprès, qu’il avait trafiqué ce battant. A la sacristie, Alexis a reçu une gifle qui l’a propulsé contre un mur et que nous avons entendue jusque dans les bancs.
Après cela, au moment du catéchisme, le curé est revenu sur ce passage de la messe, qui nous avait bien fait rire, et il nous a aussi grondé. Bien sûr que le servant de messe a de nouveau été apostrophé en règle, lui qui n’était pour rien.
Sa sœur, qui était dans les bancs des fillettes, s’est levée, a pris son frère par la main et elle est partie à la maison. Je ne crois pas qu’ils ont osé dire cela à leurs parents.
Les choses ont bien changé, et si on va encore à la messe, c’est qu’on a compris que le Bon Dieu est bien plus doux avec ces brebis.
Vonvon Kolly