Portyè dèvejâ di mijérè dou mondo? N’in d’a dza proumatêre, è no chin bin piti por èprovâ dè tsandji ôtyè. Djian dou Prâ Dèrê, ke no j’a tyithâ l’i a on pâr dè j’an, m’avê bayi on galé piti lêvro chu lè rèvi dè ti lè mê.

Por vouè, no dèvejèrin dou mi dè mâ: «Chin ke hyorè ou mi dè mâ, bayè pou dè frete.» «Putha dè mâ, putha d’ouâ» (chin i vou adre ke kan mâ l’è chè, l’i arè dou bon byâ). «Mi dè mâ chè, inpyè le bochè.» «Mi dè mâ pyodjyà, pou dè j’à.» «Groch’oura dè mâ, âvri pyodjyà è mé ou chèlà, fan le payjan orgoyà.» «Che pyà a la Chint’Ôbin, l’ivuè l’è pye tyira tyè le vin.» «Che dzâlè le dzoua di Karanta Mârtire,(le dji dè mâ) n’in d’arè adi po karanta dzoua.» «A la chin Dzojè, fô chènâ lè pê!» È po fourni, «in mâ che fâ tru bi, le tsôtin cherè tru kour».

Ora l’è bon por vouè, alâdè vo lavâ lè man thinkanta kou pêr dzoua, tinyidè-vo dzoyà è portâdè-vo bin.

Anne Marie Yerly

Quelques proverbes sur le temps

Pourquoi parler des misères du monde? Il y en a assez et nous sommes bien petits pour tenter d’y changer quelque chose. Jean Clément du Prâ Derê qui nous a quitté il y a quelques années, m’avait donné un joli petit livre sur les proverbes des mois de l’année.

Aujourd’hui nous parlerons du mois de mars. «Ce qui fleurit au mois de mars, donne peu de fruit.» Poussière de mars, poussière d’or (ce qui veut dire que si mars est sec, il y aura du bon blé). «Mois de mars sec, emplit le tonneau.» «Mois de mars pluvieux, pas beaucoup d’œufs.» Grand vent de mars, avril pluvieux et mai ensoleillé, font le paysan orgueilleux. S’il pleut à la Saint Aubin, l’eau est plus chère que le vin. S’il gèle aux Quarante Martyrs (le 10 mars) il y en aura encore pour quarante jours. A la Saint Joseph il faut semer les petits pois. Et pour finir, en mars s’il fait trop beau, l’été sera trop court.

Maintenant c’est bon, allez vous laver les mains cinquante fois par jour, soyez joyeux et portez-vous bien.

Anne Marie Yerly