In hou tin dè rètrèta forhya, lè dzin dè me n’âdzo l’an adi mé dè tin a pêdre.Adon fô pâ chè léchi alâ, fô ch’okupâ. L’é rètrovâ on trèjouâ parmi mè viyo lêvro, «Gaspard des Montagnes» d’Henri Pourrat. L’i avé pachâ di dzoua, mimamin di né, a yêre l’ichtouâre dè chi dzouno payjan d’Auvergne. In katro lêvro i no kontè ch ya, ma chuto chè galéjè fâchè. Vo propoujo cht’ache.

Din chon velâdzo, l’i avê ouna viye fiye, pâ bala, ryondelèta kemin on tsoupon dè no,è poutamin pivrâye. Ma, adon, medze-bon-diu, renaye dè bènityé è pounéje dè chakrichtiya. L’i avan bayi kemin chobretyè la «Dzeniye Kourta», ma irè a non Dorothée. Ti lè dèvêlené, i pachâvè di j’àrè a dzènà dèvan l’ouchtâ, le bedô atindê ke «madamjala» l’ôchè fournê chè dèvouhyon, po kotâ le mohyi. Le chakrichtin djuchtamin la tinâvè kemin la pèchta.

Ache,avu l’éde dè Gaspard l’an trovâ ouna ruja po la vouêri dè cha bigotiche. Du lè taréchè dou mohyi, l’an dèchindu, ou bè de n’a kouârda, on lordo panê dèvan li. Pu, n’a vouê èthrandze l’a bramâ: «Dorothée, ma bien-aimée, monte au ciel dans ce panier». I pu pâ vo dre chin in le patê d’Auvergne, è pu din le nouthro cherè min galé.

To dzoua è-the ke l’an pâ rè-yu la «Dzeniye Kourta» ou mohyi.

Anne Marie Yerly

Pour guérir la bigote

En ces temps de retraite forcée, les gens de mon âge ont encore plus de temps à perdre. Alors il ne faut pas se laisser aller, il faut s’occuper. J’ai retrouvé un trésor parmi mes vieux livres. Gaspard des Montagne d’Henri Pourrat. J’avais passé des jours et même des nuits, à lire l’histoire de ce jeune paysan d’Auvergne. En quatre volumes, il raconte sa vie, mais surtout ses jolies farces. Je vous propose celle-ci.

Dans son village, il y avait une vieille fille pas belle, ronde comme le bouchon de bois de la fontaine, et vilainement poivrée. Mais alors, «mange bon-dieu», grenouille de bénitier et punaise de sacristie. On lui avait donné comme sobriquet «La Poule Courte», mais elle s’appelait Dorothée. Tous les soirs elle passait des heures à genoux devant l’autel, le bedeau attendait que mademoiselle eût fini ses dévotions pour fermer l’église. Le sacristain justement, la détestait comme la peste.

Ainsi, avec l’aide de Gaspard, ils trouvèrent une ruse pour la guérir de sa bigoterie. Depuis le galetas de l’église, ils ont descendu, au bout d’une corde, un gros panier devant elle. Puis, une voix étrange, à crié: «Dorothée ma bien-aimée, monte au ciel dans ce panier», je ne puis vous le dire en patois d’Auvergne, et dans le nôtre se serait moins joli.

Toujours est-il que l’on a pas revu la «Poule Courte» à l’église.