No volin pâ dèvejâ dè totè lè fariboulè ke no konton lè gajètè è lè novalè.Dèvejin rintyè dè to chin ke no porin fére po chè pachâ le tin. È dèthorbâ le min pochubyo ti lè dzouno ke ch’okupôn dè no. No j’ôtro, lè «kotâ».
Vo chédè, on pou pâ ch’innoyi, kan on a duvè man è dou j’yè! In kanpanye, l’i a totavi on kâro dè têra a gratâ, kotyiè butsiyon a inkotchi è kotyè mônè a trére. Kotyè pâ dè pyalè a takounâ, ma ouê, no j’ôtrè lè viyè, on châ adi takounâ, trikotâ, brodâ, kàdre. Ou dzoua d’ora, l’i a prà dè dzounè damè ke chan pâ tinyi oun’âye. N’in koneycho ouna ke l’a aprê a trikotâ chu internet, rèchpè por li, ma… i trikotè kemin lè franchéjè, i prin chon tin!
Adon n’in d’a ke l’an keminhyi a chè rindre konto ke l’i a prà d’afére ke puon fére mimo. I kothè min tyê, è i pâchè le tin. Kôkon m’a de ke l’a kontâ vouéro li kothâvè dè fére chon pan mimo: thin-thin grame dè farna, dè l’ivuè, de la chô è on bokon dè lèvan. Cha luvra dè pan l’i rèvin a vouètanta thantime. È pu chuto, chon pan l’è bin mèyà.
Poutithre ke chin ke chè pâchè ou dzoua d’ora, no farè a moujâ on bokon a to chin ke lè j’anhyan fajan ti lè dzoua, to chinpyamin.
Anne Marie Yerly
Bien passer son temps
Nous ne voulons pas parler de toutes le fariboles que nous racontent les journaux et les médias. Parlons seulement de tout ce que nous pourrions faire pour se passer le temps. Et déranger le moins possible tous les jeunes qui s’occupent de nous autres, les confinés.
Vous savez, l’on ne peut pas s’ennuyer quand on a deux mains et deux yeux. En campagne, il y a toujours un coin de terre à gratter, quelques buchettes à préparer et quelques mauvaises herbes à arracher. Quelques paires de chaussette à raccommoder, mais oui, nous autres les vieilles, l’on sait encore raccommoder, tricoter, broder, coudre. Aujourd’hui, il y a pas mal de jeunes dames qui ne savent plus tenir une aiguille. J’en connais une qui a appris à tricoter sur Internet, respect pour elle… mais elle tricote comme les Françaises, elle prend son temps!
Alors, certains ont commencé à se rendre compte qu’il y a beaucoup de choses que l’on peut faire soi-même. Ça coûte moins cher et ça passe le temps. Quelqu’un m’a dit qu’il avait compté ce que lui coûtait de faire son pain lui-même: 500 grammes de farine, de l’eau, du sel et un peu de levain. Sa livre de pain lui revient à 80 centimes. Et surtout, son pain est bien meilleur.
Peut être que ce qui se passe aujourd’hui, nous fera penser un peu à tout ce que les ancêtres faisaient tous les jours, tout simplement.
Anne Marie Yerly