Chin fâ dza on mê ke l’abé Perritaz no j’a tchithâ. A kouja dè ha monètyâ dè virus, kemin tan dè dzin ke n’o j’an konyu, chi tan bon prithre l’è modâ din la pye grôcha tyêja. Li k’la tan chovin fi di bi j’omâdzo dè chè pèrotsin ke pachâvan l’ârma dè l’ôtra pâ – inbyo kemin no l’an konyu – l’è achurâ jou benéje dè modâ dinche chu la peka di pi. Du j’ora, è l’a bin mretâ, on pou rètrovâ cha foucha a l’intrâye du mohyi dè Tzèrlin, yô i rèpâjè in pé, li k’la fê tan dè bin outoua dè li è ke l’a chu prèjintâ l’in-delé tot’in fajin a konprindre a tsakon cha fathon dè chè tinyi chu têra.

Djuchtamin, kan irè l’inkourâ d’la pèrotse dè Vupin-Machin, a l’intèrèmin dè Léontine, ouna viye fiye k’lavé pâ cha linvoua din la fata, l’abé l’a rapalâ l’ichtouâre di kapuchin dè Bulo k’lavan pâcha vêr li po la tchita di j’à. È bin kemin irè dè kothema, lè kapuchin ly-an bayi dou bèni, on piti patchyè dè hyoujin, ke dèvechi protèdji lè bithè.

L’an d’apri, kan lè kapuchin chon rèvinyê, Léontine l’ou fâ: «Vouthron bèni n’a rin dè vayâ, n’in dé bayi a ouna dzeniye k’irè malâda, è bin ha kanya l’a krèvâ.» On di kapuchin l’i rèpon to tsô: «Ma chi bèni l’è pâ fê po di dzeniye, l’è on rèmêdo dè tsavô.»

Chin l’è ouna bouna chayête de l’abé, k’on n’a pâ chovin l’èpâhyo d’intindre du la dzéyire.

Vonvon Kolly

En souvenir de l’abbé Perritaz

Cela fait déjà un mois qu’on a connu, ce si bon prêtre est parti dans le plus grand silence. Lui qui a tant souvent fait l’hommage de ses paroissiens qui passaient l’âme de l’autre côté – humble l’abbé Perritaz nous a quittés. A cause de cette saleté de virus, comme tellement de gens comme on l’a connu – il fut assurément content de partir comme ça, sur la pointe des pieds. Dès maintenant, et il l’a bien mérité, on peut retrouver sa tombe à l’entrée de l’église d’Echarlens, où il repose en paix, lui qui a fait tant de bien autour de lui et qui a su présenter l’au-delà tout en faisant comprendre à chacun sa façon de se tenir sur terre.

Justement, quand il était curé de la paroisse de Vuippens-Marsens, à l’enterrement de Léontine, une vieille fille qui n’avait pas sa langue dans la poche, l’abbé a rappelé l’histoire des capucins de Bulle qui avaient passé chez elle pour la quête des œufs. Eh bien comme de coutume, les capucins lui ont donné du béni, un petit paquet de fleurs de foins, qui devait protéger les bêtes.

L’année suivante, les capucins sont revenus. Léontine leur dit: «Votre béni n’a pas de valeur, j’en ai donné à une poule qui était malade, eh bien, cette canaille a crevé.» Un des capucins lui répond tout de suite: «Mais ce béni n’est pas fait pour des poules, c’est un remède de cheval.»

Cela est une bonne sortie de l’abbé, chose que l’on n’a pas souvent l’occasion d’entendre du haut de la chaire.

Vonvon Kolly