Le pèchon d’âvri irè on bokon malê cht’i an. Le mondo no fâ di krouyè fâchè. Ma bon, no keminthin a no j’akothemâ a la ya cholitéra. Tan k’ora, l’an pâ intêrdi la promenârda. No puin profitâ dou furi ke ch’anonthè, to bounamin, por alâ rôdâ ou chèlà.
La dzà l’è on indrê bènirà; me n’omo dejê chovin ke lè dzà iran pye balè tyè lè katèdralè. Demindze pachâye, l’è fê le toua dou Bi Bou, ou dèchu dou Bry. Pâ oun’ârma! Kotyè j’oji, on bokon dè bije, ma chin m’è fajê alâ ôtyè pye rido; i bayiè la korcha ou chan.
Ma fayu chuêdre la route ke pâchè ou mitin dou bou, chu on piti kilomêtre. Inke adon, l’é j’à di chorèprêchè: trè botoyè dè biére, katro ou thin patyè dè chigarète, di motyà in papê, on grô kornè rodzo, pâ in papê chi inke. To chin chu la toupa, fotu lêvi pê hou ke pâchon in oto.
Ma adon, chin ke m’a fê on grô pyiéji, l’è ke l’é yu ouna renaye ke l’a pu travêchi chin richkâ cha ya. Min dè j’oto, mé dè renayè. Le mâleu di j’on, fâ le bouneu di j’ôtro.
Anne Marie Yerly
En forêt
Le poisson d’avril était un peu aigre cette année. Le monde nous fait de vilaines farces. Mais bon, nous commençons à nous habituer à la vie solitaire. Jusqu’à maintenant, on ne nous a pas interdit la promenade. On peut profiter du printemps qui s’annonce, tout gentiment, pour aller rôder au soleil.
La forêt est un endroit béni; mon mari disait souvent que les forêts sont plus belles que les cathédrales. Dimanche dernier, j’ai fait le tour du Beau Bois au-dessus du Bry. Pas une âme! Quelques oiseaux, un peu de bise, mais ça me permettait de marcher un peu plus vite; ça donne la course au sang.
J’ai suivi la route qui passe au milieu du bois, sur un petit kilomètre. Là, j’ai eu quelques surprises: trois bouteilles de bière, quatre ou cinq paquets de cigarettes, des mouchoirs jetables, un gros sac rouge, mais pas en papier celui-là. Tout cela dans l’herbe, jeté par ceux qui passent en voiture.
Mais alors, ce qui m’a fait grand plaisir, c’est que j’ai vu une grenouille qui a pu traverser la route sans risquer sa vie. Moins de voitures, plus de grenouilles. Le malheur des uns fait le bonheur des autres.
Anne Marie Yerly