Di piti bouneu dinche, fô pâ lè léchi pachâ. Chon arouvâ du l’i a kotyè dzoua, hou galé j’oji. Fô krêre ke l’an rin pouêre dè to chin ke no tsê chu la titha, in hou tin dè kouêrla.
Ma, fô èchpèrâ ke van trovâ di j’indrê po niyi. Vo chédè kemin mè ke l’i a di dzin tan (tru) avouitin, ke l’an na monchtra pouêre di riondênè, parmo ke van kontchi lou balè ramirè! Fudrè bin ke trovichan adi di motsè. On bokon d’ivuè achebin. La krouye bije ke chohyè cht’ou tin, ratin la piodze. On è adi pâ a l’oura di chenayè, l’êrba krè pâ tan. Che kôkon châ fére la danthe de la piodze, kemin lè j’Indyin… on chè rèkemandè.
Lè mayintsètè fan lou ni, on l’è j’intin le matin, i tsanton «furi-furi-furi». To chin fâ dou bin. Ma adon, ou premi dè mé, no van prou chure pâ intindre tsantâ lè j’infan. L’ou dyon achebin lè mayintsètè; damâdzo; ma nouthrè j’infan là, chon inparâ.
Po chobrâ dzoyà, akroutsin-no a ti hou piti bouneu.
Anne Marie Yerly
Les hirondelles sont de retour
De tels petits bonheurs, il ne faut pas les laisser passer. Ils sont arrivés depuis quelques temps, ces jolis petits oiseaux. Il faut croire qu’elles n’ont pas peur de tout ce qui nous tombe sur la tête, en ces temps de pandémie.
Mais, espérons qu’elles vont trouver des endroits pour nicher. Vous savez comme moi qu’il y a des gens très, trop, soigneux, ils ont grande peur des hirondelles, elles vont salir leurs belles façades. Les hirondelles devront aussi trouver des mouches. Un peu d’eau aussi. La méchante bise qui souffle ces temps, retient la pluie. L’on n’est pas encore au vent des sonnailles, l’herbe ne grandit pas beaucoup. Si quelqu’un sait faire la danse de la pluie, comme les Indiens… on se recommande.
Les mésanges font leurs nids, on les entend le matin, elles chantent le printemps. Tout ça fait du bien. Mais alors, au premier mai, nous n’allons probablement pas entendre chanter les enfants, que l’on appelle aussi les mayintsets, dommage; mais nos enfants eux, sont protégés.
Pour rester joyeux, accrochons-nous à tous ces petits bonheurs.
Anne Marie Yerly