Deché-delé

Chin fâ dza on mê ke l’abé Perritaz no j’a tchithâ. A kouja dè ha monètyâ dè virus, kemin tan dè dzin ke n’o j’an konyu, chi tan bon prithre l’è modâ din la pye grôcha tyêja. Li k’la tan chovin fi di bi j’omâdzo dè chè pèrotsin ke pachâvan l’ârma dè l’ôtra pâ – inbyo kemin no l’an konyu – l’è achurâ jou benéje dè modâ dinche chu la peka di pi. Du j’ora, è l’a bin mretâ, on pou rètrovâ cha foucha a l’intrâye du mohyi dè Tzèrlin, yô i rèpâjè in pé, li k’la fê tan dè bin outoua dè li è ke l’à chu fére a komprindre a tsakon ke cha pyathe din l’in-delè dèpindê dè cha fathon dè chè tinyi chu têra.

Djuchtamin, kan irè l’inkourâ d’la pèrotse dè Vupin-Machin, a l’intèrèmin dè Léontine, ouna viye fiye k’lavé pâ cha linvoua din la fata, l’abé l’a rapalâ l’ichtouâre di kapuchin dè Bulo…