I pâchè chu nouthrè routè a la fudra, kemin on lutin. Kan vo vêdè aparèthre chi piti drapô, vo chédè ke l’è li. A pêna dèvan vo, inke-lo dza on fyê tro pye yin; pâ moyin dè l’arèthâ. Chè dou bré rènyâ rinpyathon alêgramin on pechin moteu. Fô pâ oubyâ ke, l’i a kotyè j’an, l’è j’ou chanpyon dou mondo, toparê!

Nouthrè routè, ou dzoua d’ora chon pâ di chindê dè promenârda; adon, chôpyé bayidè-vo achyin kan vo j’ithè ou volan. Le vayin bolondji l’a rin pouêre. Kore, l’è chon grô pyéji, l’a bin réjon. Chè tsanbè volon rin-mé krêre, adon i betè tota cha fouârthe din chè bré. Ma, cha fouârthe l’è chuto din cha titha, din chon kà. Prudinthe chu lè routè!

Bouna tsanthe è boun’oura, chanpyon

Anne Marie Yerly

Petit drapeau

Il passe sur nos routes comme la foudre, comme un lutin. Quand vous voyez apparaître ce petit drapeau, vous savez que c’est lui. A peine devant vous, le voilà déjà plus loin; pas moyen de l’arrêter. Ses deux bras noueux remplacent allègrement un puissant moteur. Il ne faut pas oublier qu’il y a quelques années, il fut champion du monde, tout de même.

Nos routes, aujourd’hui, ne sont pas des sentiers de promenades; alors, s’il vous plait, prenez garde lorsque vous êtes au volant. Le vaillant boulanger n’a jamais peur. Courir est son grand plaisir, il a bien raison. Ses jambes ne veulent plus lui obéir, alors il met toute sa force dans ses bras. Sa force, elle et surtout dans sa tête, dans son cœur. Prudence sur les routes!

Bonne chance et bon vent, champion.

Anne Marie Yerly