N’in d’é dza dèvejâ, l’i a dè chin kotyè j’an. L’i a grantin ke chin mè trakachè.Vo chédè prà, vo ke vo j’alâdè din hou grôchè boutekè, yô i vo fan a krêre ke l’è mèyou matchi! L’è djuchtamin inke ke, anfin, l’an dèchidâ dè fére a payi hou piti chatsotè in plachtike. Hou chatsè, faron rin grantin dèvan dè pachâ i j’ordurè chin ithre jou tan utilo. Fô rintyè èchpèrâ ke l’è faron payi tyê.

L’è dè la matchandi k’inpojenè la natura, ke fâ a krèvâ lè pèchon din lè rivyérè. Vo j’atsetâdè duvè pomè, è bin, portyè lè j’inbortoyi, adon ke lè tan fachilo dè lè prindre, dè lè payi kan-mimo, pu dè lè betâ din vouthron panê.

È pu, avui vouthron panê, vo trovâdè de la frete, dou kortiyâdzo, di botyè, din lè kurti dè nouthron payi. Avui na botoye,dou lathi vê lè payjan; chin vo j’inbarachi dè plachtike è dè bèrlingô ke vinyon du la Chine!

Anne Marie Yerly

Ces fameux cornets

J’en ai déjà parlé il y a quelques années. Il y a longtemps que ça me tracasse. Vous savez bien, vous qui allez dans ces grands magasins, où l’on vous faire croire que c’est meilleur marché! C’est justement là que, enfin, ils ont décidé de faire payer ces petits sacs en plastique. Ces petits sacs ne feront pas longtemps avant de passer à la poubelle sans avoir été bien utiles. Il faut espérer qu’ils les feront payer cher.

C’est une denrée qui empoisonne la nature, qui fait mourir les poissons dans les rivières. Vous achetez deux pommes, et bien pourquoi les emballer, alors qu’il est si facile de les prendre, de les payer quand même, et de les mettre dans votre panier.

Et puis, avec votre panier, vous trouvez des fruits, des légumes, des fleurs, dans les jardins de notre pays. Avec une bouteille, du lait chez les paysans ; sans vous embarrasser de plastique et de berlingots qui viennent de Chine.

Anne Marie Yerly