No pâchin on travê dè tin bin drôlo, avu ha pojon dè Covid dji-j’è nà. No dêvin n’in teri na lethon po l’avinyi. L’è pochubyo, in li rèmoujin, ke no j’arin pâ fê to djuchto, tan k’ora. L’è veré ke l’ardzin l’a prê oun’ inportanthe chu la ya, è ke no no chin min okupâ di j’ôtro. No fudrè rèvêre nouthra fathon dè vivre! Betâ l’amihyâ ou dèchu dè prà dè tsoujè è moujâ a ti hou ke l’an fôta dè no, è ke l’an min tyè no achebin.

I fô, ora, achebin rèmarhyâ ti hou ke chè chon betâ ou chêrvucho di Malâdo. Mè krêyo ke merton on fyê kou dè tsapi. È rèkonyèthre ke nouthrè j’Otoritâ l’an bin travayi; l’an chu beta la chindâ in premi. Ou dzoua d’ora, lè dzouno chon mé totchi tyè l’è viyo. Poutithre ke krêyon min ou dondji.

No vouêrdin achebin on moujiron è ouna pitita prèyire po ti hou ke chon modâ. I chon modâ por on mondo yô l’ardzin l’a pâ-mé cha pyêthe. E pu, no j’èchpêrin ke, hou ke fan di rètsêrtsè, tràvèron ou pye vuto on rèmêdo por on avinyi mèyà.

Camille Meyer Bifou

Pas comme avant

Nous passons un temps bien drôle, avec ce poison de Covid 19. Nous devons en tirer une leçon pour l’avenir. Il est possible, en y pensant, que nous n’ayons pas fait tout juste jusqu’à présent. Il est vrai que l’argent a pris une importance sur la vie, et que nous nous sommes moins occupés des autres. Il faudrait que nous revoyions notre façon de vivre. Mettre l’amitié au dessus de bien des choses et penser à tous ceux qui ont besoin de nous, et qui ont moins que nous aussi.

Il faut maintenant aussi remercier tous ceux qui se sont mis au service des malades. Je crois qu’ils méritent un grand coup de chapeau.  Et reconnaître que nos Autorités ont bien travaillé; ils ont sû mettre la santé en premier. Aujourd’hui les jeunes sont plus touchés que les personnes âgées. Peut être qu’ils croient moins au danger.

Nous gardons aussi une pensée et une petite prière pour tous ceux qui sont partis. Ils sont partis pour un monde où l’argent n’a plus sa place. Et puis, nous espérons que ceux qui font des recherches trouveront au plus tôt un remède pour un avenir meilleur.

Camille Meyer Belfaux