Avu ha monètyâ dè «corona», lè j’otoritâ rèkemandon a ti hou ke volon prindre di vakanthè dè pâ alâ tru yin, dè chobrâ ou payi. Apri to, no j’an on bi payi è n’in da, di balè tsoujè a vêre, oubin a rèvêre. To chin farè bin l’afére di chtachyon ke tiron la linvoua.
Rintyè in Grevire, lè tyintè balè korchè a fére. In montanye, po hou ke l’an dou chohyo, è di galé chindê in pyanna, po to le mondo. Mè ke chu on n’inkro dou «Club alpin», i pu vo rèkemandâ lè kabâné d’la Grevire: lè Marindè, Bounavaux, lè Hyâ, po le tsôtin, è l’Oberegg è lè Pouârtè po l’outon è l’evê. Chin l’è di j’indrê yô no chin bin rèchu è ke dèpindon d’la bouna volontâ di mimbro, ke bayon dè lou tin po chin fére alâ.
Ti lè mê, lè minbro rèchouêvon ouna pitita gajèta ke bayè a konyèthre to chin ke chè pâchè din la ya dou «club». Djuchtamin, in foyin din lè j’archivè, le dari numèrô no kontè la korcha ke l’an fê trè fèmalè, le trinto d’âvri mil-nouthin karatè-katre. Du Bulo ou Tsathèlâ, in pachin prou chur pê Riaz, la Fin-dè-Pyan, Machin, le pon dou Dzerinyo, lè Vachannè è le mohyi dè Chorin. Du inke, è in chè kritchin tantyè a Malèchê, hou trè damè rèlêvon la bala yuva ke ch’èthin du Biffé in pachin pê la linye di vani tantyè a la Bèka dè Cray. Koradjàjè lè trè damè l’an fournè lou korcha in dèkrovin Le Tsathèlâ por alâ prindre le trin a Vouèthèrnin-dèvan-Remon, è rèvinyi chu Bulo.
Vo vêdè ke li-ya pâ fôta d’alâ bin yin por ithre èmèrvèyi. No j’an chin ke fô intche-no è fô chavê le rekonyèthre.
Vonvon Kolly
 

De Bulle au Châtelard

Avec cet ennuyeux corona, les autorités recommandent a tous ceux qui veulent prendre des vacances de ne pas aller trop loin, de rester au pays, Après tout, nous avons un beau pays. Il y en a, de belles choses à voir ou bien à revoir. Tout cela ferait bien l’affaire des stations qui tirent la langue.

Rien qu’en Gruyère, les belles courses à faire en montagne, pour ceux qui ont assez de souffle, ou des jolis sentiers en plaine, pour tout le monde. Moi qui suis un fervent du Club alpin, je peux vous recommander les cabanes de la Gruyère: les Marindes, Bonnavaux, les Clefs, pour l’été, et l’Oberegg, les Portes, pour l’automne et l’hiver. Ce sont des endroits où l’on est bien reçu et qui dépendent de la bonne volonté des membres qui donnent de leur temps pour que tout aille bien.

Tous les mois, les membres reçoivent une petite brochure qui renseigne sur ce qui se passe dans la vie du club. Justement, en fouillant dans les archives, le dernier numéro nous conte la course que firent trois dames, le 30 avril 1944; de Bulle au Châtelard, en passant sûrement par Riaz, la Fin-de-Plan, Marsens, le pont du Gérignoz, les Versannnes, et l’église de Sorens. De là, se hissant jusqu’à Malessert, ces trois dames relèvent la belle vue qui s’étend de Biffé et la ligne des Vanils jusqu’à la Pointe de Cray. Le reste de la course passe par Le Châtelard pour aller prendre le train à Vuisternens-dt-Romont, et revenir à Bulle.

Vonvon Kolly