I vu djuchto vo dèvejâ dè chi galé kabarè ke l’è j’ou rènovalâ dariremin. Du l’i a mé dè than-thinkant’an La Promenârda rèchyê lè dzin dè la Grevire è di j’alintoua din l’anbiyanthe d’on kabarè dè velâdzo.

Rènovalâ ouê, ma… rènovalâ dè djija é, po chin, i tiro on kou dè tsapi i novi propriétéro ke chin chon bayi po vouèrdâ chi l’indrê atan intrètsantâre tyè dèvan. Chon vindâdzo rètinyê, l’a vouèrdâ chen’ârma. Chè balè parê, vihyè dè bou tantyè a lou mitya, ch’atifon dè foto di j’an mil’è nouthin è ôtyè ke no fan a rèmoujâ ou tin yô, chu la pyathe dou Martchi, makinyon è dzin dè la têra patsèyivan in patê. Bin chur tyè vouè, lè botè chon pye lèrdjirè. Ma lè tyikâyè, dè chon pyantchi in tsâno vo kouâjon totèvi la binvinyête.

La karbatyére l’è chejinta, lè chomyérè è lè chomyé avinyin. Adon, l’è todoulon le kà redyè, ke m’in vé bêre kartèta vê li è, kotyè kou, rinkontrâ men’êmi Sèpi, on chuti patêjan.

Tyin pyiéji ke fâ dè trovâ, din ha vela ke katenè, on indrê dinche d’amâ po dèvejâ, a che n’éje, la linvoua dou payi.

Bernâ Chaney

La Promenade

Je vais juste vous parler de ce joli café qui fut rénové dernièrement. Depuis plus de cent-cinquante ans, La Promenade accueille les gens de la Gruyère et des environs, dans l’ambiance d’un café villageois.

Rénové oui, mais… rénové convenablement et, pour cela, je tire un coup de chapeau aux nouveaux propriétaires qui s’en sont donné pour garder cet endroit, aussi agréable et enchanteur qu’au-paravent. Son «vendage», rénové, a gardé son âme. Ses belles parois, vêtues de bois jusqu’au milieu, sont garnies de photos des années 1900, qui nous font penser au temps où, sur la Place du Marché, maquignons et gens de la terre marchandaient en patois. Bien sur, aujourd’hui, les souliers sont plus légers. Mais les grincements de son parquet de chêne, vous souhaitent toujours la bienvenue.

La patronne est aimable, les serveuses et les serveurs avenants. Alors, c’est toujours le cœur allègre, que je viens boire «un coup» vers lui, et, parfois rencontrer mon ami Sèpi, un habile patoisant.

Quel plaisir de trouver, dans cette ville qui déraille, un tel endroit, bien aimable, pour parler à son aise, la langue du pays.

Bernâ Chaney