Kotyè dzin, dechando pachâ, m’an dèmandâ yô k’irè le Lé d’Ômêna. Le Lé Nê. L’è bin veré ke l’è fêrmo nê. L’a bin di réjon d’ithre dinche. Lè lèjandè  no konton on bokon dè to. 

Gargantua l’i a bânyè chè pechin pi, farmo mônè; l’è dinche ke l’è chobâ chonbro. Lè Vôdouâ dyon ke l’i a rintyè lè «Dzodzè» ke l’i van chè lavâ! Chin komantéro!

A la ruva dou lé, vo puédè vêre on pechin Dragon ke kratsè le fu, in fathe chè tràvè on Mouêno in prèyirè po tséhyi lè krouyo j’èchpri. La lèjande no kontè ke, l’i a bin grantin, la kotse irè invrenâye dè charpin. Hou krouyè monètyâ inpontâvan dzin è bithè. Dzoua-rè né, i chubyâvan kemin di dyâbio, i alityivan lè vatsè, pekâvan lè vèlon, mimamin le bà n’in d’avê na monchtra pouêre. 

Kemin fére po chin dèbarachi? L’an adon dèmandâ i mouêno dè la Valchainte dè fére to chin ke fayê po tsanpâ fro de la kotse, totè hou voudèji. On di mouêno l’è arouvâ, l’a fê tsemin è manêrè, di pechin kou dè goupiyon, di litro d’u bènête, du tin ke lè dzin prèyivan dè to kà. Adon, lè charpin, irâ, chè chon inbortoyi l’è j’on l’è j’ôtro è l’an dègredalâ tantyè ou fon dou lé… ke l’è chobâ nê! Charpin… Dragon… Le Dyâbio pèrdji! Lè chobrâ le Lé dou Mouêno, on bokon tsandji avu lè kapriche di linvouè, chin l’è Friboua!

Anne Marie Yerly

Curiosité des langues

Quelques personnes, samedi dernier, m’ont demandé où se trouvait le Lé d’Ômêna.  Le Lac Noir. C’est vrai qu’il est fort noir. Il a bien des raisons d’être ainsi. Les légendes nous racontent un peu de tout.

Gargantua y a baigné ses puissants pieds, très sales; c’est ainsi qu’il est resté sombre. Les Vaudois disent qu’il n’y a que les fribourgeois qui s’y lavent! Sans commentaire.

Au bord du lac, vous pouvez voir un grand dragon qui crache du feu, en face se trouve un moine en prières pour chasser les mauvais esprits. La légende nous raconte qu’il y a bien longtemps, la région était envahie de serpents. Ces horreurs effrayaient gens et bêtes. Jour et nuit, ils sifflaient comme des diables, ils allaitaient les vaches, piquaient les petits veaux, même le taureau en avait une grande peur.

Comment faire pour s’en débarrasser? Ils ont alors demandé aux moines de la Valsainte de faire ce qu’il fallait pour chasser de la région, toutes ces sorcelleries. Un des moine est arrivé, il a fait «chemins et manières», de puissants coups de goupillon, des litres d’eau bénite, pendant que les gens priaient de tout leur cœur. Alors, les serpents, furieux, se sont entortillés les uns dans les autres et ont dégringolé jusqu’au fond du lac… qui est resté noir! Serpents… Dragon… Le Diable pardi!

Il est resté le Lac du Moine, un peu changé par les caprices des langues, ça c’est Fribourg.

Anne Marie Yerly