Deché-delé

Demâ dumidzoua, l’é fê ouna bala dèkouvêrta in fajin le toua dou Lé d’Ômêna. Du l’i a kotyè chenannè, l’an organijâ, tot’al’intoua dou lé, oun’èchpojichyon dè viyè foto. Gayâ ti lè velâdzo dou tyinton l’i chon rèprèjintâ.

L’é rètovâ kotyè j’enè di pye balè méjon dè vêr-no, n’in d’a k’ègjichtôn pâ-mé. Pê bouneu, hou foto l’è fan a rè-vivre a nouthron chovinyi, on bokon! Le viyo kabarè ke l’avê gayâ trè-thin j’an è ke l’an avutrâ din lè j’an chaptanta! L’é mimamin rètrovâ ouna dè mè viyè tantè dèvan cha méjon. Ha méjon l’è adi inke ou dzoua d’ora, l’i chu vinyête ou mondo, vo deri pâ in tyin l’an!

I vu pâ vo j’in dre mé; alâdè l’i fére ouna verya, i vô la pêna. Le chindê l’è galé, pyin dè chèlà è dè tsan d’oji, l’i a mimamin du tin j’in tin, di pititè kanpinè in bou yô vo puédè…