Chtou dari j’an, le velâdzo dè Machin l’è balébin inginyenâ. Le konchèye dè kemouna tsandzè dè minbro a pou pri ti lè j’an. Chin n’arandzè pâ lè tsoujè po chè drèhyi kontre la vinta d’on galé prâ ou mitin dou velâdzo, ke l’Etha vou rèalijâ.

Ma la dèrire tyola ke no tsê dèchu l’è la mouâ dè chi bon Marc-Henri. L’è ouna vretâbya pêrda po ti lè j’amateu dou bon go. Chon vatsèrin irè konyu yin è lârdzo. Kemin fretchi a Vupin, l’a chu rèbayi ya ou vatsèrin dè din le tin. Fo dre ke cha kâva voutâye, a Vupin, chè prithè totafé po chonyi chon trèjouâ. Du ke lè payijan dè Vupin è dè Machin chon inchtalâ inthinbyo po betâ in vayà lou lathi, on pou dre ke lou fretchi l’a bayi a Machin ouna renomâye bin ou delé dou tyinton.

Tsakon chè rapalè dè chon chtan ou «Salon des goûts et terroirs» a Bulo è dè chè duvè parê dè vatsèrin afriyindà ke dèvechi rèvoudre ti lè dèvêlené.

Ora on chè chin on bokon orfeno. Faji tan bon rinkontrâ Marc-Henri. Irè on omo dè rèthèta, pachyenà pê chon mihyi è ke l’avé tan dè bi projè in titha.

Vonvon Kolly

Adieu Marc-Henri

Ces dernières années, le village de Marsens est bel et bien dans la guigne. Le Conseil communal change de membres à peu près tous les ans. Ce qui n’arrange pas les choses pour se dresser contre la vente d’un joli pré au milieu du village, que l’Etat veut réaliser.

Mais la dernière tuile qui nous tombe dessus, c’est la mort de ce bon Marc-Henri. C’est une véritable perte pour tous les amateurs du bon goût. Son vacherin était connu loin et large. Comme laitier à Vuippens, il a su redonner vie au vacherin d’autrefois. Il faut dire que sa cave voutée à Vuippens se prête tout-à-fait pour soigner son trésor. Depuis que les paysans de Vuippens et Marsens sont installés ensemble pour mettre en valeur leur lait, on peut dire que leur laitier a donné à Marsens une renommée bien au-delà du canton.

Chacun se rappelle de son stand au Salon des goûts et terroirs, à Bulle, et de ses deux parois de vacherins appétissants qu’il devait ranger tous les soirs.

Maintenant, on se sent un peu orphelin. Il faisait tant bon rencontrer Marc-Henri. Il était un homme de confiance, passionné par son métier et qui avait tant de beaux projets en tête.

Vonvon Kolly