L’è pâ le momin dè chè dèkoradji. Fô pâ béchi lè bré. No j’ôtro, lè viyo, ouê i dyo lè viyo, nouthrè j’anhyan, i chôn dza din l’In-delé. L’è veré ke l’i a prà dè mouâ, ma achebin di dzin in bouna chindâ. Ma, fô pâ dzuyi avu le fu è chobrâ prudin.

No j’ôtro, no fô pâ chobrâ chin rin fére. No j’an proumatêre dè moyin po no j’okupâ. Kan on a adi di j’yè è di man, di bounè tsanbè po chè rèmouâ, è bin l’è dza le chèkrè dou bouneu. Vo, lè j’omo,par ègjinpyo, vo puédè èkrire vouthra ya, rèbuyi di viyo chovinyi pê lè taréchè, rèyêre di Mèchadji Bouateu di j’an thinkanta. Pu… avu on bokon dè tsanthe, rètrovâ ouna viye botoye, oubyâye ou fon dè la kâva.

No j’ôtrè lè damè, l’è poutithre pye fachilo. Kadre, takounâ, krotsatâ; ou bin kemin ha galéja dama dè Dzenèva, trikotâ di pyalè po lè rèkruvè inkajêrnâyè ch’ti tsôtin. Mon piti fe n’in d’a profitâ avu pyéji. Rèmârhyin Madama!

Pu lè piti j’infan, on lè j’intin, on pou lè vêre chu di moyin modèrne. A la gripe dè djij’è vouète, l’avan rin po pachâ lè novalè, rin dè radiô, rin dè «tyira-mè» è chuvin yô ,rin dè kouran.

Adon chàbrin dzoyà è prudin. Chindâ!

Anne Marie Yerly

Confinés

Ce n’est pas le moment de se décourager. Il ne faut pas baisser les bras. Nous autres, les vieux, oui je dis les vieux, nos ancêtres sont déjà dans l’Au-delà. C’est vrai qu’il y a passablement de morts, mais aussi des gens en bonne santé. Mais il ne faut pas jouer avec le feu et rester prudents.

Nous, nous ne devons pas rester sans rien faire. Nous avons assez de moyens pour nous occuper. Quand on a encore des yeux et des mains, de bonnes jambes pour bouger, et bien c’est déjà le secret du bonheur. Vous les messieurs, par exemple, vous pouvez écrire votre vie, farfouiller de vieux souvenirs dans les galetas, relire des Messager Boiteux des années cinquante. Puis avec un peu de chance, retrouver une vielle bouteille, oubliée au fond de la cave.

Nous autres les femmes, c’est peut-être plus facile. Coudre, raccommoder, crocheter; ou, comme cette aimable dame de Genève, tricoter des chaussettes pour les recrues encasernées cet été. Mon petit fils en a profité avec plaisir. Merci Madame!

Et puis les petits enfants, on les entend, on peut les voir avec les moyens modernes. A la grippe de dix huit, ils n’avaient rien pour communiquer, pas de radio, pas de téléphone et à certains endroits, pas de courant.

Alors, restons joyeux, et prudents. Santé!

Anne Marie Yerly