Deché-delé

Ché pâ che vo ditè dinche din lè j’ôtro velâdzo, ma vêr- no, no dèvejâvan dou papè i hyindrè. Lè pâ ôtyè dè bin bon, krêdè-mè. Pê bouneu n’in d’é djamé medji, è l’é djamé j’ou fôta d’in chervi a kôkon.

Fo vo dre ke, in chi tin, lè vèyè dè «kâfé nê» irè pâ rin. Irè a pou pri le cheul moyin dè chè konyèthre on bokon mi, intrè dzouno è fiyè. La demindze né, din lè méjon yô l’i avê di fiyè a maryâ, i inkotchivan on piti ôtyè… on châ djamé! Bin chovin n’in d’arouvâvè kotyè j’on. In vèlo, a pi, po hou de la kotse; ma hou ke vinyan du lè velâdzo alintoua, par ègjinpyo hou dè Rochin, dèvechan chobrâ prudin. L’è dinche ke i j’indèjirâbyo, on lè menachivè dè lou bayi dou papè i hyindrè. Mè, n’in d’é djamé fê; i tinâvo pâ hou dè Rochin, n’in d’avê di bin galé. Bin chur ke kotyè kou chè…