No chin pâ tan yin dè Kamintran. On viyo chovinyi ke l’a bin fê a rire, din nouthron velâdzo. In mile nou-thin-thinkant’è trè; la Chochyètâ dè mujika dè Trivô l’a fê on to grô voyâdzo in Italie. To t’ou Sud, din la vela dè Bari, yô l’avan organijâ ouna rinkontra dè mujika.
Pâ rin tyè chi voyâdzo. Kotyè mujichyin, din lè pye dzouno, l’avan djamé prê le trin. Chon modâ du Trivô in bredzon, mile dou-than kilomêtre. Ouna pechinta bala fitha, chon jou rèchu kemin di rê. Din tota la vela, lè dzin chaluâvan a gran kri «viva La Banda di Trèvô!»
Chu le rètoua, i chon pachâ a Ràma, yô Guy Clément k’irè Gârde du Pape, l’ou j’avê organijâ oun’ôdianthe vê le Pape Pie Dodzè. N’in pyorâvan ti dè bouneu! Ma, l’a bin fayu rintrâ! Bènirà!
Kotyè mê apri, Moncheu l’Inkourâ l’a rèchu ouna drôla dè vijita: Trè j’«Italiène» chon arouvâyè intye-li, on dèvêlené dè Kamintran. Avu on pèjan akthan italien, i pyorâvan dèvan la pouârta. Moncheu l’è j’a fê intrâ. Adon… l’an de ke lè mujichyin dè Trivô l’avan léchi… kotyè trachè pê Bari. Ke hou «pourè fiyè» iran dèjonorâyè è choche è chin. To chin in chenupin dè dolà è dè vêrgonye.
Moncheu l’a pâ fê grantin po rèkonyèthre trè dzounè fâchèyàjè dou velâdzo. Chè betâ a rire, lè trè achebin. To chè arandji outoua d’on bon kâfé nê. No j’an dza on inkourâ modèrne.
Anne Marie Yerly
Souvenirs, souvenirs
Nous ne sommes pas loin de Carnaval. Un vieux souvenir a bien fait rire, dans notre village. En 1953, la Société de musique de Treyvaux fit un grand voyage en Italie. Tout au Sud, dans la ville de Bari, où était organisée une rencontre de fanfares.
Pas rien, que ce voyage. Quelques musiciens parmi les plus jeunes, n’avaient jamais pris le train. Ils sont partis de Treyvaux en bredzon, mille deux cents kilomètres. Une grande et belle fête, ils furent reçus comme des rois. Dans toute la ville, les gens saluaient à grands cris «Viva la banda di Trèvô!».
Sur le retour, ils sont passés par Rome, où Guy Clément, Garde suisse, leur avait organisé une audience auprès du pape Pie XII. Ils en pleuraient de bonheur! Mais, il fallut bien rentrer. Heureux!
Quelques mois plus tard, Monsieur le curé reçut une drôle de visite. Trois «italiennes» sont arrivées chez lui, un soir de carnaval; avec un fort accent italien, elles pleuraient devant sa porte. Le curé les fit entrer. Alors… elles dirent que les musiciens de Treyvaux avaient laissé… quelques traces à Bari. Que ces pauvres étaient déshonorées et ci et ça. Tout en sanglotant de douleur et de honte.
Le curé n’a pas fait longtemps pour reconnaître trois jeunes farceuses du village. Il s’est mis à rire, elles aussi. Tout s’est arrangé autour d’un bon café. Nous avions déjà un curé moderne.
Anne Marie Yerly