Avu ha monètyâ dè virus, to le mondo l’è poutamin dèthorbâ. On chè dèmandè tantyè’a kan chin va derâ. La «tèlè» no bayè prà dè novalè, ma pâ totèvi rijintè. Dè tin jin tin on galé «film» fâ bin dou bin. L’outon pachâ, avu la mouâ dè «Pipe», no j’an dègotâ kemin chè pachâvè la ya d’on dyèrthon dè kanpanye, intche-no, li-ya dè chin mé dè thinkant’an. Di kou, on pouro geu, pyathi pê la kemouna, le dyèrthon pachâvè tota cha ya din la mima famiye, a pou dè fré.

Chi «Pipe» no fâ bin rire kan i atsitè chon vélomoteu è totè lé fregâtsè ke van chyêdre. Môgrâ k’on pou krêre ke fâ partya d’la famiye, i lodzè kan mimo din ouna kabutse, ou bè d’la méjon, Li-yè pâ le gran konfouâ, ma i pou achebin révoudre chon vélomoteu. Chin mè fâ a moujâ ke prou chovin, din le tin, lè dyèrthon lodjivan din ouna…