Du le vint’yon dè dèthanbre l’evê l’è inke. Kotyè patè dè nê chon tsejêtè ma, chon pâ chobrâyè po lè fithè. Chè chon inkaratâyè kemin le ku-byan dèvan le tsahyà.
Tsalandè l’è pachâ. Lé-hô i taréchè, le piti Jézu, Chin Dzojè, Mâryè, lè fayê è lou muton, lè Rê mâdzo è lou kamèlo, in chè kunyin, chè chon rè indremê din lou karton. Chu on trabyâ dè la kâva, lè bounè botoyè ronhyon pèjubyamin dèjo la putha. Prou chur ke dremethron min grantin tyè la Chinte Famiye.
È dè l’an novi, par-tyè n’in dè? Ke la pouta kouêrla l’è adi inke! Ke, po n’in pachâ le lindâ, no j’an pâ j’ou fôta dè lèvâ lè pi pye hô tyè dè kothema!
Ke la né dou trint’yon è, le dzoua dou premi, lè fèdzo chon j’ou bal’é bin boukanâ!
Ke le mondo l’a adi pâ tsandji! Hou ke le mênon van chur-pâ pyakâ dè ch’inpyâ lè fatè d’êrdzin. È no-j’ôtro, no j’in d’arin rin dè-pye po rètakounâ lè nouthrè.
Avu hou bounè parolè, mè chàbrè rintyè a vo kouâdre a totè è a ti, le mèyà dè la ya, la chindâ è le bouneu.
Bèrnâ Chaney
Pour bien commencer l’an nouveau
Depuis le 21 décembre, l’hiver est là. Quelques flocons de neige sont tombés mais ne sont pas restés pour les fêtes. Ils se sont enfuis comme le chevreuil devant le chasseur.
Noël est passé. Là-haut aux galetas, le petit Jésus, Saint Joseph, Marie, les bergers et leurs moutons, les Rois Mages et leurs chameaux, en se serrant, se sont à nouveau endormis dans leurs cartons. Sur une étagère de la cave, les bonnes bouteilles ronflent paisiblement sous la poussière. Surement qu’elles dormiront moins longtemps que la Sainte Famille.
Et qu’en est-il de l’an nouveau? Que la vilaine épidémie est encore là! Que, pour en passer le seuil, nous n’avons pas eu besoin de lever les pieds plus haut que de coutume.
Que, la nuit du 31 et le jour du Premier, les foies ont été bel et bien chahutés.
Que le monde n’a encore pas changé. Ceux qui le mènent ne vont certainement pas cesser de s’emplir les poches d’argent. Et nous n’en aurons pas plus, pour raccommoder les nôtres.
Avec ces bonnes paroles, il me reste à vous souhaiter, à tous et à toutes, le meilleur de la vie, la santé et le bonheur.
Bernard Chaney