Deché-delé

Mè chovinyio pâ dè vo l’avê kontâye, ha fâcha dou riô dè Prâtzê. Chin chè pachâ l’i a ouna thantanna d’an, poutihre ôtyè dè-pye. La réche dè Prâtzê réchivè adi chu le ryô. D’amon de la réche, on barâdzo ratinyivè l’ondena ke faji a veri la grôcha ràvoua. Kan l’avan prou ivouè, i réchivan lè biyon po di partikuyé è po di tsapouè di j’alintoua.

Lè tinyèmin dou réchyà iran djuchto chu la réche. Vo moujâdè on bokon la chèta è lè gurlâyè ke chin povê bayi pê la méjon. L’avan di piti j’infan, è ouna galéja fiyèta dè trè-katre an. On matin ke réchivé, le chènia l’a apêchu ke ôtyè borâvè cha ràvoua. Fro chu le pon, i prin na pêrtse po dègadji. L’è adon ke l’a yu on fourdâ bleu din l’ivouè!

Pê bouneu la fiyèta chin dè interya, avu na monchtra pouêre. Ma, kemin dejan lè vejin, l’è jou…