Deché-delé

Kan lè dzordi chon bi hyori Y tsanton lè tsan dou furi. Lè mayintsè deché delé Ch’in van tsantâ le mi dè mé. Lè j’êrbè tsanton, le tsôtin Kan lè prâ chon tot’in na hyà. Lè rouvon i chon lè lutrin Yô lè fin tsanton ou chèlà. Lè pomè, kan ch’in vin l’outon Tsêjon in tsantin lou tsanthon. Lè hyotsètè pê lè j’intsan Dyon a règrè, lou dêri tsan. Chu lè tsemin krouvâ dè nê Kan la bije intêtsè dou frê Lè botè tsanton in pachin Lou tsanthenèta, in tchikin Lè prâ, lè chê, lè bou, lè pyan Y tsantèron onko grantin La tsanthon ke nouthrè j’anhyan Intindan dza ou viyo tin.

PIERRE QUARTENOUD

Article en patois et en français sur www.lagruyere.ch