Deché-delé 

Du dutrè chenannè, l’outon l’è rèpri. Lè fothi chè rèkràvon to bounamin dè ruye. Pê lè j’intsan, l’êrba l’è hyêpya. Lè rindyè chon fournêtè, lè tropi l’an rètrovâ le bâ. Po fithâ la fin dè chi l’èthu, môgrâ ke chi-inke l’è pâ j’ou tan chejin, la demindze pachâye lè j’armayi, lè vajyê è lè bouébo l’an fithâ la bènichon.

Chta chenanna cherè le rèkrotson. L’èpâhyo dè chè trovâ rè inchinbyo outoua dè la trâbya po chè rapikolâ, avu lè mimè règalârdè, achebin tyè a la bènichon: La kuchôla è la mothârda, le bouyon, le bouli, la tsanbèta, le linju, le bakon, la kuche d’anyi avu lè pre a botsi è lè rirodzè pu, le pyati dè fre. Ma toparê! Fudrê kan mimo pâ oubyâ le pyéji di dèchê: La krebiya dè frete, lè meringè è la hyà drobya, lè kutyètè, lè bunyè, lè brèchi dè la mére-gran, lè…