Deché-delé

Hou dou mo, i chinbyè ke l’an rin a fére l’onl’ôtro; portan lè di j’afére ke bayon bal-é bin a batayi kan on l’i moujè.

Totè lè koujenêrè dou tyinton konyechon lè fameu konkour dè mothârda dè Bènichon. Tsakena l’a chè chèkrè bin vouêrdâ. Di chèkrè ke l’an rèchu dè lou dona, ou bin chuvin lè tyintè, l’an aprê din di j’èkoulè dou tyinton, ke fan la «vertâbya mothârda». Di j’ôtrè l’an invintâ «lou poupra» mothârda, è n’in d’a pâ ouna a betâ dèvan.

I vudré pâ ithre lè dzin ke dêvon djudji chin. Kemin rèkonyèthre totè hou gormandi? Ha ke pekè le mé? Ha ke l’è tru chukrâye? Ha ke l’è tru hyâra , ou bin tru èpècha? To chin l’è a n’in pêdre le go de la kuchôla! E bin, avu le patê l’è on bokon parê. Le premi, i di ke l’i vin dè cha dona. On ôtro l’a aprê avu le dikchenéro, ouna…