L’an kanonijâ Goton de la Pyêra. Poutithre bin ke vindrè la patrena di kojandêrè dou tyinton. Ma, di kojandêrè dinche, n’in chàbrè rin-mé tan.Din le viyo tin, i alâvan parmi lè dzin, bin chovin la machina a kàdre d’ato. La dona alâvè atsetâ la matêre in vela, di kou ou magajin dou velâdzo. Lè boutekè dè chi tin l’avan to chin ke fayê.

I prenyan lè mèjerè di dzin è chè betâvan ou travô. Tayi è kàdre lou prenyê kan mimo dou tin. Ache, a midzoua, la kojandêre partadjivè le goutâ in famiye. Kemin le kovin irè dza pâ tan pèjan, chuvin yô la patrena terivè adi chu le medji!

Ouna dzouna fiye, tota novala din le mihyi è ke travayivè fêrmo bin è rido; l’a kan mimo oujâ chè règrefâ. Kan l’a yu le krouyo piti mochi dè tsê din che n’achyèta, l’a fê: «Ma, mè krêyo ke vinyo novèyinta, i vêyo panyi ma…