Deché-delé

Bin ouê, ou dzoua d’ora, to va a rèbedou. Lè krouyè novalè arouvon dè totè pâ, è no tsêjon chu la bôla kemin la grêla. Ma, fô pâ vêre to in nê!

Kan iro dzouna, chu j’ou chêrvinta din le tyinton dè Loutsêrna, vê di payjan, por aprindre on bokon le «Schwitzertütsch». L’é bin aprê a travayi, ma l’aleman pâ tan.

La fiye di patron irè viye kemin mè, djije è vouèt’an. La poura-li bouatâvè to bâ, cha tsanba drête irè paralijâye. I fajê on aprintechâdzo dè kojandêre. Cha dona irè dura avui li. Ma adon, cht’a grahyàja irè tota dè bou dè violon. I rijê dè to è dè ti. No j’an pachâ di bi dzoua, l’a mimamin aprê a danhyi, chon chèniya dzuyivè la pachtringa.

Ou dzoua d’ora, no chin adi chobrâyè bounè miyè. Ch’è maryâye, l’è j’à di j’infan, môgrâ cha poura pyôta. L’è adi la mima grahyàja,…